Անհատական խորհրդատվությունը հանդիսանում է հոգեթերապևտիկ ազդեցության ու միջամտության ամենատարածված և հիմնական ձևաչափը: Այն անց է կացվում մեկ /հազվադեպ երկու (բիպոլյար թերապիա)/ հոգեբանի, հոգեթերապևտի մասնակցությամբ:
Անհատական խորհրդատվությունը կիրառվում է համարյա թե բոլոր կոնցեպտուալ և մեթոդական հոգեթերապևտիկ ուղղությունների շրջանակներում, որոնք էլ և պայմանավորում են հոգեթերապևտիկ գործընթացի յուրահատկությունները` նպատակներն ու խնդիրները, ազդեցության մեթոդներն ու միջոցները, հոգեթերապևտիկ կոնտակտի տեսակը, տևողությունը և այլն:
Այժմ հայտնի են անհատական խորհրդատվության մի քանի հարյուր տարատեսակներ, որոնք քիչ թե շատ հիմնվում են, բխում կամ հատվում են հիմնական հոգեբանական, հոգեթերապևտիկ ուղղությունների հետ, ինչպիսիք են հոգեվերլուծական թերապիան, կոգնիտիվ-վարքային թերապիան, գեշտալտ-թերապիան և այլն:
Անհատական խորհրդատվությունը երբեմն կարող է սկիզբ հանդիսանալ այլ տեսակի` մանկական, խմբային, զույգերի և ընտանեկան խորհրդատվությունների համար: Անհատական խորհրդատվության մի յուրահատուկ տարատեսակ է նաև անհատական ինտերնետային խորհրդատվությունը:
Բարև ձեզ, մայրս ինսուլտից հետո բավականին վախ և դեպրեսիա է ապրում: Անընդհատ կպչուն տագնապի մտքեր որից էլ տրամադրության անկում է ունենում: Ինչով կարող եք ինձ օգնել կամ որևէ ե մի մասնագետի խորհուրդ տաք որ զբաղվում է տվյալ տեսակի հիվանդներով:
Կայքը սպասարկող ադմինիստրատորի հետ կապված որոշ անձնական խնդիրներ էին առաջացել, այդ իսկ պատճառով Ձեր հարցերին ուշացումով ենք պատասխանում: Այսուհետ բոլոր հարցերին կպատասխանենք ժամանակին:
Հայցում ենք Ձեր ներողամտությունը:
Հարգանքներով` «ԱՅԳ» հոգեբանական ծառայությունների կենտրոն: