«ԱՅԳ» հոգեբանական ծառայությունների կենտրոնում շարունակվում է համապատասխան հոգեբանական աջակցության ցուցաբերումը բոլոր տուժածներին, նրանց հարազատներին և ականատեսներին:

Հանրապետության հրապարակում տեղի ունեցած միջադեպը մեծ հետք թողեց հասարակության վրա: Տասնյակ երիտասարդներ տարբեր աստիճանի այրվածքներով հայտնվեցին հիվանդանոցներում: Եվ այդ երիտասարդները, և նրանք, ովքեր ականատես են եղել, ապրել են հոգետրավմա: Նման իրավճակում հայտնված անձանց համար բուժման ժամանակ և դրանից հետո համապատասխան հոգեբանական աջակցություն ստանալն անհրաժեշտություն է: Աջակցության առավել արդյունավետ մեթոդ է համարվում հոգեբանական դեբրիֆինգը:

Դեբրիֆինգը կիրառվում է բոլոր տիպի աղետներից հետո, աղետից տուժածների, սարսափելի դեպքերի ականատես եղած մարդկանց, փրկարարների համար: Դեբրիֆինգը միջոց է, որը հնարավորություն է տալիս մարդկանց արտահայտվելու, նկարագրելու, թե իրենք ինչ են ապրել, ինչ զգացմունքներ են ունեցել:

Դեբրիֆինգը պլանավորված և համապատասխան կառուցվածքով խմբային գործունեություն է, որի նպատակն է

• ելք տալ տպավորություններին, ռեակցիաներին և զգացմունքներին

• կատարել ճանաչողական մշակում` հստակեցնել տեղի ունեցածը

• պատկերացում կազմել առաջացած ռեակցիաների վերաբերյալ

• նվազեցնել ինչպես անհատի, այնպես էլ խմբի լարվածությունը

• նախապատրաստել գալիք փորձությունների

• անհրաժեշտության դեպքում պարզել հետագա օգնության ուղղությունները

Աշխատանքը խմբակային է, շարունակական:

Եթե դուք ունեք անպատասխան սիրո զգացում, ուզում եք ավարտել ձեր հարաբերությունները, բայց չեք կարողանում, եթե մտածում եք` կյանքը անիմաստ  է առանց ձեր սիրած էակի, ապա այս թեման ձեզ համար է:

Քննարկվող թեմաներն են՝

1. Անպատասխան սեր, ինչ է դա:
2. Եթե տառապում եմ, ուրեմն սիրում եմ:
3. Կախվածություն սիրային հարաբերություններից:
4. Սիրային կախվածության առաջացման պատճառները:
5. Կախվածության կանխարգելման ուղիները:

Սեմինարը  նախատեսված է պրակտիկ հոգեբանների, ուսանողների, ինչպես նաև հոգեբանությամբ հետաքրքրվողների համար:

Վարող՝ հոգեբան, հոգեբանական գիտությունների թեկնածու Նելլի Հարոյան:

“ԱՅԳ” հոգեբանական ծառայությունների կենտրոնը պատրաստ է ցուցաբերել հոգեբանական օգնություն Հանրապետության հրապարակում տուժածներին և նրանց հարազատներին:

Թրենինգի կառուցվածքը`

I բլոկ`տեղեկատվական
1. Ագրեսիա և ագրեսիվություն:
2. Դեռահասային տարիք:
3. Դեռահասային և մանկական ագրեսիայի շտկման և պրոֆիլակտիկայի տարբեր մոտեցումներ:

II բլոկ` կիրառական
1. Ագրեսիվության և նրան պայմանավորող գործոննների ախտորոշում;
2. Ագրեսիվության շտկում և պրոֆիլակտիկա:
3. Հուզական լարվածության նվազեցում:

Թրենինգի մասնակիցներ` մանկավարժներ, ծնողներ, դպրոցի հոգեբաններ

Թրենինգի նպատակն է`
• մասնակիցների կողմից իրենց ոչ կոնստրուկտիվ վարքի, ագրեսիվ հակազդումների գիտակցման ձևավորումը,
• ինքնակարգավորման հմտությունների զարգացումը,
• ռեֆլեքսիայի զարգացումը,
• ագրեսիվ միջավայրում կոնստրուկտիվ հմտությունների և ունակությունների ձևավորումն ու ամրապնդումը,
• մասնագիտական դեֆորմացիայի պրոֆիլակտիկան, մանկավարժների կոմպետենտության բարձրացումը,
• խմբային աշխատանքի հմտությունների զարգացումն ու արդեն ձեռք բերված տեսական տեղեկությունների, միջոցառումների և վարժությունների օգտագործումը դեռահասների և մանուկների հետ աշխատանքի համար, ինչպես նաև ծնողներին համապատասխան հմտությունների, կարողությունների և դիրքորոշումների ուսուցումը:

Կիրառվող տեխնիկաներ` համալիր շտկող միջոցառումներ խաղերի և վարքային մեթոդների, ինչպես նաև ռելաքսացիոն և շնչառական տեխնիկաների օգնությամբ, թեսթավորում, հարցարաններ, պրոյեկտիվ մեթոդիկաներ, խմբայինբանավեճևքննարկում:

Թրենինգի տևողությունը` 5 շաբաթ, շաբաթական 2 անգամ 2 ժամ (10 հանդիպում` 20 ժամ):

Վարձավճար ամբողջ թրենինգի համար` 24000 դրամ:

Թրենինգի հեղինակ և վարող` հոգեբան, կենսաբանական գիտություների թեկնածու Լուսինե Ստեփանյան:

Թրենինգի նպատակն է կոնֆլիկտային իրավիճակների արդյունավետ հաղթահարման և լուծման հմտությունների ձևավորում, մասնագիտական գործունեության արդյունավետության բարձրացում և ինքնազարգացում:

Թրենինգի արդյունքում մասնակիցները ձեռք են բերում

• Կոնֆլիկտի և կոնֆլիկտային փոխազդեցության վերաբերյալ պատկերացումների արդյունավետ մոդելներ, ավելի պոզիտիվ դիրքորոշում:
• Գիտելիքներ կոնֆլիկտի, պրոբլեմային իրավիճակների և դրանց հաղթահարման հնարավորությունների վերաբերյալ:
• Ինքնադիտման և ինքնաճանաչման հմտություններ:
• Կոնֆլիկտի ժամանակ հուզական վիճակներն ընկալելու և հասկանալու հմտություններ:
• Կոնֆլիկտային իրավիճակների վերլուծության, դրանց հնարավոր պատճառների բացահայտման հմտություններ:
• Կոնֆլիկտային իրավիճակում վարքի ինքնակարգավորման և ինքնակատարելագործման հմտություններ:
• Կոնֆլիկտային իրավիճակներում արդյունավետ հակազդման և համագործակցության հմտություններ:

Թրենինգին կարող են մասնակցել բոլոր ցանկացողները, մասնակիցների թիվը` 7-10 անձ:
Թրենինգի տևողությունը` 20ժամ:
Թրենինգի արժեքը` 20 000 դրամ:

Թրենինգի հեղինակ և վարող` հոգեթերապևտ Մարիա Թևոսյան:

Կորպորատիվ խմբային թրենինգը կառավարումն ավելի արդյունավետ դարձնելու միջոց է, գործիք:

Կորպորատիվ թրենինգը /բիզնես-թրենինգ, ներհիմնարկային ուսուցում/ հասկացություն է, որը ձևավորվել է ձեռնարկությունների, ընկերությունների, կազմակերպությունների պրակտիկ աշխատանքի արդյունքում: 3200 ամերիկյան ընկերություններում անցկացված հետազոտությունները ցույց են տվել, որ անձնակազմի թրենինգի վրա ծախսերի 10%-ով մեծացումը աշխատանքի արտադրողականությունը բարձրացնում է 8,5%-ով, այն դեպքում, երբ նույն չափի կապիտալ ներդրումների մեծացումը տալիս է աշխատանքի արտադրողականության միայն 3,8% աճ:

Աշխատանքի արդյունավետությունը բարձրացնելու համար առաջարկվող թրենինգներն են`
1. Խմբային համախմբվածություն և համատեղ գործունեության արդյունավետության բարձրացում:
2. Արդյունավետ շփման հմտությունների զարգացում:
3. Հաճախորդի հետ արդյուավետ հարաբերությունների հաստատում:
4. Հաղորդակցման կարողությունների և միջանձնային ազդեցության թրենինգ:
5. Կոնֆլիկտների կառավարում:
6. Սթրեսմենեջմենթ:
7. Աշխատանքային մոտիվացիայի բարձրացում:

1. Խմբային համախմբվածություն և համատեղ գործունեության արդյունավետության բարձրացում

Թրենինգին կարող են մասնակցել ընդհանուր գործունեությամբ միավորված բոլոր խմբերը, որոնք շահագրգռված են համատեղ գործունեության արդյունավետության բարձրացման, խմբային համախմբվածության ամրապնդման, խմբի հուզական մթնոլորտի բարելավման հարցերով:

2. Արդյունավետ շփման հմտությունների զարգացում

Ձեր կյանքի որակը պայմանավորված է շփման որակով:

Թրենինգի մասնակիցներն ավելի գիտակ են դառնում միջանձնային շփումների ոլորտում, սովորում են արդյունավետ կիրառել շփման տարբեր միջոցները, ծանոթանալու հոգետեխնիկաները, վստահության առաջացման ձևերը, մարդկանց համոզելու և ինքնաներկայացման արվեստը, զարգացնում են նոր հնարավորություններ տեսնելու և արդյունավետ կազմակերպչական գործունեության համար անհրաժեշտ հմտությունները:

3. Հաճախորդի հետ արդյուավետ հարաբերությունների հաստատում

Թրենինգը բարձրացնում է հուզական կոմպետենտությունը, զարգանում է զգայական դիտողականությունը, ձեռք է բերվում հաճախորդի հետ վարվելու վստահ վարքագիծ և հուզական ինքնակառավարման հմտություններ, շփման ժամանակ արագորեն կապի մեջ մտնելու ընդունակություն, տիրապետում են միջանձնային հարաբերություններում համակրանքի և բարյացակամության ձևավորման եղանակներին:

4. Հաղորդակցման կարողությունների և միջանձնային ազդեցության թրենինգ

Մասնակիցները ձեռք են բերում հարաբերվելու հմտություններ և կարողություններ: Յուրացնում են հոգեբանական ազդեցության և մանիպուլիացիային հակազդելու եղանակների ու ձևերի մասին տեսական ու գործնական գիտելիքներ:

5. Կոնֆլիկտների կառավարում

Մասնակիցները ձևավորում են կոնֆլիկտային իրավիճակներում արդյունավետ փոխազդեցության մոդելներ, բարդ իրավիճակներում հաղորդակցման հմտություններ, կոնֆլիկտածին գործոնների բացահայտման, կոնֆլիկտների կանխարգելման և հաղթահարման հմտություններ:

6. Սթրեսմենեջմենթ

Ծրագիրը նախատեսված է լայն լսարանի համար առանց տարիքային և մասնագիտական սահմանափակումների: Մասնակիցները հնարավորություն կստանան բարելավել իրենց ինքնազգացողությունը և ձեռք բերել հուսալի միջոցներ սեփական հոգեվիճակների արդյունավետ կառավարման համար:

7. Աշխատանքային մոտիվացիայի բարձրացում

Բարձրացնել աշխատանքային մոտիվացիան նշանակում է ստեղծել այնպիսի միջավայր և աշխատանքը կազմակերպել այնպես, որ աշխատակիցների մոտ ակտիվանան աշխատանքի արդյունավետության համար անհրաժեշտ դրդապատճառները:
Թրենինգը նախատեսված է միջին և բարձր օղակի ղեկավարների համար, ում անհրաժեշտ է տիրապետել աշխատակիցների մոտիվացիան բարձրացնելու հնարքներին և հմտություններին:

Թրենինգի հեղինակներ և վարողներ` հոգեբան, հոգեթերապիայի և հոգեբանական խորհրդատվության բաժնի ղեկավար Մարիա Թևոսյան և հոգեբանական գիտությունների թեկնածու, ուսւմնական բաժնի ղեկավար Նելլի Հարոյան:

Մարտի  13-ին ժամը 18:00-19:30

Քննարկվող թեմաներն են՝

1. Ինչ է ավազով թերապիան:
2. Ավազով թերապիայի պատմական զարգացումը:
3. Խաղերը ավազով թերապիայում:

Սեմինարը նախատեսված է ծնողների, ուսուցիչների, ուսանողների, պրակտիկ հոգեբանների, ինչպես նաև հոգեբանությամբ հետաքրքրվողների համար:

Վարող՝ հոգեբան Տաթև Գրիգորյան:

Գիտական սեմինարների անցկացման չափորոշիչները մասնագիտական լսարանի համար.

1. Կատարել գիտական ուսումնասիրության օբյեկտի ճշգրտում:
2. Տալ հիմնական հասկացությունների  բացատրությունը:
3. Կատարել պրոբլեմային հարցադրումներ, առաջադրել խնդիրներ:
4. Առաջարկել դրանց լուծման հնարավոր եղանակները:
5. Ներկայացնել քննարկվող նյութի սեղմ, էլեկտրոնային տարբերակը:

Հանրամատչելի սեմինարների անցկացման չափանիշները լայն լսարանի համար (ոչ մասնագետների համար).

1. Մատչելի կերպով ներկայացնել թեմայի բովանդակությունը:
2. Հնարավորինս  պահպանել թեմայի ամբողջականությունը:
3. Գիտական սկզբունքներն  ու  մեթոդները   մշակել  հատուկ  մատչելիության սկզբունքով` պահպանելով գիտական  մակարդակը:
4. Թեմայի շարադրման շրջանակներում  շոշափել կյանքում տեղի ունեցող երևույթներ, դրվագներ, հարաբերություններ:
5. Պարտադիր կերպով օգտագործել դիդակտիկ նյութեր (սխեմաներ):

Թրենինգի մասնակիցներ` հոգեբաններ, մանկավարժներ, ինչպես նաև նշված մասնագիտացումը ստացող ուսանողներ:

Կիրառվող տեխնիկաներ` ազատ դասախոսություն, քննարկում, վարժանք, դերային խաղ, հոգեբանական ախտորոշման մեթոդներ:

Թրենինգի ծրագիր ` I փուլ

Դպրոցի հոգեբանի գործունեության կազմակերպումը /6 ժամ/

• Մասնակիցները կծանոթանան դպրոցում հոգեբանի գործունեության նպատակներին, կաբինետի կահավորմանը ներկայացվող պահանջներին, անհրաժեշտ փաստաթղթերին:

• Կտիրապետեն տարեկան պլան կազմելու, մատյանը վարելու, հաշվետվություն ներկայացնելու հմտություններին:

Հոգեբանի գործունեության տեսակները դպրոցում /4 ժամ/

• Մասնակիցները կծանոթանան հոգեբանի գործունեության առանձնահատկություններին աշակերտների, ծնողների և մանկավարժների հետ:

• Պատկերացում կկազմեն դպրոցում հոգեբանական ախտորոշման, կորեկցիոն-զարգացնող, լուսավորչական  աշխատանքի, հոգեբանական կանխարգելման, խորհրդատվության, ինչպես նաև դպրոցում ուսումնական ու կազմակերպչական գործընթացի ուղեկցության մասին:

Հոգեբանական ախտորոշման կազմակերպումն ու իրականացումը կրտսեր, միջին և ավագ դպրոցում /10 ժամ/

• Մասնակիցները կծանոթանան տարբեր տարիքի երեխաների, միջանձնային փոխհարաբերությունների, խմբերի և մանկավարժների մասնագիտական որակների հոգեբանական ախտորոշման առանձնահատկություններին:

• Պատկերացում կկազմեն դպրոցական ուսուցման տարբեր փուլերում և դպրոցի գործունեության տարբեր օղակներում ծագող խնդիրների, դրանց բացահայտման և գնահատման մեթոդների մասին

• Կտիրապետեն ախտորոշման անցկացման փուլերի կազմակերպմանը:

• Կտիրապետեն մեթոդների ընտրության և կիրառման, արդյունքների մշակման հմտություններին:

Մասնակցության արժեքը` 25 000 դրամ:

Մասնակիցների թիվը` 7-10:

II փուլ

Դպրոցի հոգեբանի կորեկցիոն- զարգացնող աշխատանքի բովանդակությունը: /12 ժամ/

• Մասնակիցները կծանոթանան դպրոցի հոգեբանի կորեկցիոն-զարգացնող աշխատանքի տեսակներին` դասախոսություն, սեմինարներ, վարժանքներ, խաղեր, հոգեբանական թրենինգ, դպրոցում բացահայտված տարբեր խնդիրների կորեկցիայի համար անհրաժեշտ մեթոդներին:

• Կտիրապետեն դպրոցում սեմինարների և դասախոսությունների անցկացման տեխնոլոգիային:

• Կտիրապետեն զարգացնող և կորեկցիոն վարժանքների և խաղերի անցկացման հմտություններին:

Հոգեբանական պրոֆիլակտիկան և խորհրդատվությունը դպրոցում /12 ժամ/

• Մասնակիցները կծանոթանան դպրոցում լուսավորչական աշխատանքի, հոգեբանական թեմատիկ զրույցների, հոգեբանական խորհրդատվության առանձնահատկություններին, մանկավարժների, ծնողների և աշակերտների կողմից հոգեբանին դիմելու հնարավոր պատճառներին:

• Կտիրապետեն այցելուի վերաբերյալ սոցիալ-հոգեբանական տեղեկատվության հավաքագրման և ընդհանրացման մեթոդներին:

• Կտիրապետեն առաջնային կոնսուլտացիայի անցկացման համար անհրաժեշտ հիմնական հմտություններին:

Մասնակցության արժեքը` 30 000 դրամ:

Մասնակիցների թիվը` 7-10:

Թրենինգի հեղինակ և վարող` հոգեթերապևտ Մարիա Թևոսյան:

Մասնագիտության ընտրություն կատարելու խնդրի առջև առավել հաճախ կանգնում են ավագ դպրոցի ընտրություն կատարող աշակերտներն ու դպրոցների շրջանավարտները:

Կյանքի ամենակարևոր և ամենապատասխանատու ընտրությունը կատարելու հարցում դեռահասներին կօգնեն  «ԱՅԳ» հոգեբանական ծառայությունների կենտրոնի հոգեբանները հատուկ մշակված ծրագրով:

ՄԱՍՆԱԳԻՏԱԿԱՆ ԿՈՂՄՆՈՐՈՇՈՒՄ /ՄԱՍՆԱԳԻՏՈՒԹՅԱՆ ԸՆՏՐՈՒԹՅՈՒՆ/

Ի՞նչ է տալիս մասնագիտական կողմնորոշումը

Այն հնարավորություն է տալիս պատասխանել կարևոր  հարցի:

• Ո՞վ եմ ուզում դառնալ մասնագիտությամբ կամ  ինչ մասնագիտություն ընտրեմ:

Մասնագիտության ընտրությունը  թույլ է տալիս.

•    Կողմնորոշել մասնագիտական ընտրության հարցում, ինչպես դեռահասներին, այնպես էլ մեծահասակներին
•    Ընտրել ուսումնական հաստատություն
•    Կողմնորոշվել առևտրի շուկայում (հեռանկարային և բարձր վարձատրվող մասնագիտությունների մեջ)

Ովքե՞ր կարող են դիմել

•    Ում անհրաժեշտ է ընտրել ապագա մասնագիտություն
•    Ով ուզում է ստանալ երկրորդ կամ լրացուցիչ կրթություն
•    Ով մտածում է գործունեության ոլորտի փոփոխության մասին

Ի՞նչ է իրենից ներկայացնում մասնագիտական կողմնորոշման  գործընթացը.
Մասնագիտական կոմնորոշման գործընթացը ներառում է երկու հիմնական փուլեր` թեստավորում և խորհդատվություն հոգեբանի հետ, որի արդյունքում բացահայտվում են անձի `
•    Հետաքրքրությունների ոլորտը
•    Ընդունակությունների զարգացման մակարդակը
•    Անձնային առանձնահատկությունները

Ամփոփիչ արդյունքները

Թեստավորում անցնելուց և հոգեբանի հետ զրուցելուց հետո Դուք ստանում եք.
•    Փորձարկվողի անհատական հոգեբանական դիմանկարը:
• Սովորողի անձնային առանձնահատկություններին, հետաքրքրություններին և ընդունակություններին առավելագույնս համապատասխանող մասնագիտությունների ցանկը:
• Արդյունքների տեքստային (բովանդակային) մեկնաբանությունը` ըստ  բոլոր ցուցանիշների:

ԱՌԱՋԱՐԿ ԴՊՐՈՑԱԿԱՆՆԵՐԻ ՀԱՄԱՐ

Յուրաքանչյուր դպրոցի շրջանավարտ, մտածելով իր ապագայի մասին, առաջին հերթին որոշում է, թե ինչ մասնագիտություն է պետք ընտրել: Բայց ինչպես կարող է դեռահասը կատարել պատասխանատու, գիտակցված, մասնագիտորեն կողմնորոշված ընտրություն: •    Կյանքի այդ շրջանում «ԱՅԳ» հոգեբանական ծառայությունների կենտրոնի  հոգեբանները  կցուցաբերեն ձեզ անգնահատելի ծառայություն, մասնագիտական  հատուկ մշակված ծրագրով  կօգնեն ձեզ ընտրել համապատասխան մասնագիտություն:Եթե ժամանակին իրականացվի մասնագիտական ընտրությունը,  դիմորդները ավելի վաղ կիմանան`
•    Ի՞նչ են ուզում դառնալ
•    Որտե՞ղ կարելի է սովորել և ինչ առարկաների վրա կենտրոնացնել ուշադրությունը

Մասնագիտական կողմնորոշումը Ձեր մասնագիտական աճի և արդյունավետության երաշխիքն է:

Ուշադրություն, մեր մասնագետները վերապատրաստում են անցել Մոսկվայի   «Թեստավորման և զարգացման հումանիտար տեխնոլոգիաների»   մասնագիտական կողմնրոշման մասնագետների կողմից և կիրառում են   հատուկ մշակված «ՊՐՈՖԵՍԻԱՆՍ»  մեթոդիկան: